Washington - Konserto 'Java Rockin' Land 2010' nebe lori mos The Smashing Pumpkins ba Jakarta hetan kritika. Aktivista lubun anti-tabaku no matenek nain saude internasional husu atu The smashing kansela sira nia konsertu.
aktivista sira husi rai Australia, Estadus Unidus Amerika no Wales husu banda musika sira husi sira nia nasaun labele involve iha programa festival nee tamba festival nebe halao iha Ancol husi loron 8 – 10 Outobro oin mai patrosina husi produsen tabaku Gudang Garam.
Indonesia inklui nasaun ida nebe lista numero ema fumadoor aas liu iha mundo, nunee gurpo activista hirak nee hanoin involvimentu banda refere iha 'Java Rockin' Land' bele signifika apoio gerasaun foin sai sai fumador.
The Campaign for Tobacco Free Kids nebe base iha Washington konfessa haruka ona karta ba The Smashing Pumpkins, MUTEMATH no Dashboard Confessional hodi retira involvimentu sira nian iha programa refere.
Matthew L Mayers, presidente The Campaign for Tobacco Free Kids, ba AFP, Kuarta (29/9/2010) hateten durante programa nee patrosina husi kompania tabaku, banda sa deit mak partisipa lolos nee hatene katak ajuda mekadu sigaru ba labarik sira.
Entretantu , Banda The Vines no Wolfmother pronto kontinua konsertu iha Jakarta mesmu hetan bandu husi matenek nain saude Australia nunee banda rua refere hetan akuzasaun husi parte saude Australia.
iha Inglatera, grupo anti-tabaku Ash Wales husu ba banda musika husi rai Wales, Stereophonic, rejignaan husi konsertu nee..
Iha tinan rua ikus nee, musisi husi Amerika, Alicia Keys no Kelly Clarkson, rejecta atu konsertu iha Indonesia nebe patrosina ho tabaku. Patrosinador sira mos retira an no konsertu kontinua lao. Mesmu nunee, musisi estrangeiru balun mos kontinua konsertu iha Indonesia nebe hetan patrosinador husi produsen Tabaku nudar sponsor principal hanesan gitaris veteran Slash.
Tidak ada komentar:
Posting Komentar