nee signifika katak kuaze metade populasaun chines iha parte sul hatene ona TLS mesmu sira rasik seidauk visita TLS hanesan populasaun Chines husi parte Norte.
husi observasaun jornalista RTL iha segunda 16 Agostu to'o Quarta 18 Agostu nee kada loron ida hamutuk ema liu rihun 48 mak visita paviliun rai lafaek nee la inklui visitantes nebe visita iha tuku 03.00 lorokraik to'o 10.00 kalan. mesmu loron manas to'o 36 Grau Celsius no udan boot nebe akontese iha tersa no Quarta lorokraik nee visitantes sira kontinua iha antuziismo visita paviliun TL.
Wang Ya Mei chines ida nebe visita paviliun TLS iha Quarta nee hateten, durante nee nia la hatene TLS, no foin mak hatene TLS liu husi Expo Shanghai, no nia parte hakarak visita mos TLS iha tempo ruma hodi halao negosio.
enkuantu Toajing idade 28 visitantes ida husi Provinsia Ghuizou kilometro 190 resin husi Shanghai hateten durante nee nia hatene deit mak Indonesia no foin mak hatene TLS hafoin hare filmazen iha Expo Shanghai.
alende hare filmazen konaba TLS,visitantes sira mos hasai foto,nomos tau karimbu ba pasaporte expo nian nebe sira hetan hanesan rekordasaun no sinal sira visita ona paviliun TLS.
actividade expo iha paviliaun TLS Quarta feira nee fahe mos buklet informasaun konaba TLS hanesan souvenir ka recordasaun ida ba visitantes sira nebe visita ona TLS.
world Expo Shanghai China sai hanesan kompetisaun boot liu hafoin Olimpiade no Copa Mundial. Expo mundial Shanghai nee loke official iha cidade Municipio Shanghai iha loron 01 Maio 2010 nee.
Tidak ada komentar:
Posting Komentar