Aktor Ngetop Korea mate tara an iha nia uma

Actor nunee mos kantor konyesidu husi rai Korea do Sul, Park Yong-ha, hetan mate iha nia uma rasik iha Nonhyun-dong, Seoul.
Tuir polisia rai Korea nian , actor nee mate tamba tara aan.
Park nia inan rasik mak hetan Park nia isin mate hetan kuarta dader rai nakararas. Autor serial Winter sonata nee diskonfia mate oho an.

Yonhap News, kuarta (30/6/2010) nee publika tuir parte familia nian katak kalan molok oho an Park konsege haruka sms hateten I’m Sorry.I’m Sorry ba nia aman nebe apanha hela moras kanker kabun no oras nee halao hela tratamentu iha hospital .

alende SMS refere, autor idade 33 nee mos la husik hela karta despedida. Parte polisia cidade Seul hateten Park tara an ho fiu recarga telemovel nian no to’o oras nee parte polisia sei kontinua hela investigasaun.

Park hahu nia kareira iha tinan 1994. Park nia naran hahu famozu hafoin sai estrela ba 'Winter Sonata' iha 2002. Serial refere lori Park nia naran konyesidu to’o rai Japaung no Korea tomak. Park mos sai estrela ba filme ekran boot tolu no ida foun liu mak 'The Scam' iha tinan 2009.

laos deit iha abilidade ba acting. Park mos popular tebes nudar kantor. Autor nee konsege lansa album iha Korea no Japaun, no hetan mos tasa Japan Gold Disc Awards ba nomeasaun Best Asian Artist, Song of the Year no Japan-Korea Friendship Year 2005 Spesial Award.

Oho aan realidade laos kestaun nebe halo tauk iha rai Korea do Sul. Pais refere lista kazu oho an aas liu durante tinan hira ikus nee.
iha loron 02 Outobro 2008 artista konyesidu Choi Jin-Sil mos hetan tara an iha haris fatin iha nia uma . molok akontesimentu nee nia laen kaben comedian konyesidu Ahn Jae-hwan mate oho an iha Kareta iha 08 Setembro 2008.

Choi Jin-Sil nia isin mate hetan husi nia alin Choi Jin-yeong. Mane nebe halo mos profisaun nudar kantor no actor nee mate oho an iha loron 29 fulan marsu foin lalais nee tamba depresi ho nia bian nia mate.