Brian Austin Green Oficialmente kaben Megan Fox

Formatura apoiantes atriz Megan Fox preparadu simu novidades la dun furak, tamba estrela filme Transofrmers nee oficialmente sai fen kaben ba actor Brian Austin Green.
TMZ tersa nee publika Megan no Brian kaben iha Hawaii. pares nebe sempre kotu relasaun domin nee kontinua realiza duni mehi hari uma kain hamutuk iha Hotel Four Seasons, Big Island, Hawaii, semana kotuk. Novidades refere tenta halo konfirmasaun maibe la iha linha kontaktu ho portavos pares nee nian.

Megan hahu namora ho Brian iha 2004. Sira nain rua hakotu domin iha iha Febreiru 2009, depois-de troka prenda durante tinan rua nia laran.
Maske nunee iha fulan balun nia laran deit, Megan ho Brian kontinua hikas sira nia relasaun amor. Iha 01 Juino 2010 foin lalais nee, Bria husu Megan atu kaben ho nia.
Intervista ho revista People foin lalais nee, atriz idade 24 nee hateten nia sei kaben nonok, lais no la iha plano konkretu nomos la fosai ba media.